Artista e investigadora. Licenciada en Belas Artes pola Universidade de Vigo, onde actualmente está a realizar a súa tese La piel biónica. Membranas tecnológicas como interfaces corporales en la práctica artística.

En 2008 obtén o premio Artista Revelación do Principado de Asturias coa serie fotográfica Tejidos. Dende entón participou en numerosas exposicións nacionais e internacionais, estando presente en países como Portugal, Arxentina, Colombia, Australia e Xapón.

A súa obra foi seleccionada en numerosos certames e obtivo diferentes galardóns como un dos premios Tentaciones 2011, mostrando o seu traballo na Feira Estampa, Madrid. Ou o premio Masquelibros 2012, Madrid.

Tamén en 2012 obtén a bolsa AlNorte, así como o premio Astragal co que produce o proxecto corpo-realidad, exposto na Sala Astragal Gijón e no MARCO - Museo de Arte Contemporáneo de Vigo.