Eléctrico Utópico. São Miguel-Açores 1913-2013 é un fanzine/souvenir que celebra os 100 anos dun tranvía (eléctrico en portugués) que nunca chegou a existir. Trátase da ilustración dos documentos orixinais editados polo Goberno do Distrito de Ponta Delgada en 1913 para a construción dun tranvía na illa de São Miguel que nunca chegou a ser construído.

Os fanzines están editados en portugués e en inglés (os documentos orixinais estaban tamén en francés). En forma de acordeón de 6 corpos están imprimidos en papel de 200 gramos en offset con dúas combinacións cromáticas diferentes. As ilustracións recollen as características dos 75 artigos do proxecto orixinal de 1913 e ademais intentan representar o pasiaje e a sociedade da illa do presente.