Fotografías da Galicia interior, desvíos, perda, casualidade e esquecemento.

Ningures, palabra galega que se traduce ao español como ningún sitio dá título a este fotolibro, imaxes capturadas en inverno de 1014. viaxando por cías comarcais do interior de Galicia. Nos desvíos das estradas principais descóbrense aldeas que non aparecen nomeadas no mapa, Xiz, Parade, Santiagueiro, Bancada... Lugares nos que quedan dous, un, nungún habitante. O que me conduciu a emprender este proxecto foi o interese por unha vida tradicional en declive, unha cultura que desaparece. A miña intención non é documentar; pasado un tempo, cando estas localidades xa non existan, as miñas fotografías non as recordarán como lugares concretos.

A miña forma de traballo é moi intuitiva e baséase no visual. As miñas fotografías achéganse máis a unha narratividade poética deixándome levar pola intuición. Interésame a vida da xente, as necesidades e obxectos cotiáns, as miradas cansas, as engurras que testemuñan o paso do tempo, que afirman a inminente desaparición.